Елбасы CNPC корпорациясы директорлар кеңесінің төрағасы Ван Илиньмен кездесті
- author «Ақ жол»
- 5 шілде, 2016
- 214
Кездесу барысында компанияның Қазақстандағы қазіргі қызметінің мәселелері, соның ішінде Қашаған кен орнындағы жөндеу-қалпына келтіру жұмыстарының жайы және Қазақстан газын Қытайға экспорттаудың перспективалары талқыланды.
Мемлекет басшысы CNPC Қазақстандағы ірі инвесторлардың бірі бола отырып, екі ел арасындағы экономикалық ынтымақтастықты тереңдетуге септігін тигізіп келе жатқанын атап өтті.
– 1997 жылдан бастап компания біздің экономикамызға 10 миллиард доллар инвестициялап, тағы 20 миллиард долларды мұнай кен орындарын барлау мен игеру, мұнай және газ құбырларын тарту ісіне жұмсады. Бұл – өте үлкен инвестиция. Қазіргі кезде барлық мұнай компаниялары энергия ресурстарының әлемдік бағасының төмендеуіне байланысты туындаған қиындықтарды бастан өткеруде. Сондықтан бұдан әрі жүзеге асыратын әрекеттерімізді талқылайтын кез келді, – деді Нұрсұлтан Назарбаев.
Сондай-ақ, Қазақстан Президенті CNPC корпорациясының басшысына Астанадағы Ұлттық би мен балет жоғарғы мектебінің құрылысына атсалысқаны үшін алғыс айтты.
Ван Илинь Мемлекет басшысына компания қызметін қолдап отырғаны үшін ризашылық білдіріп, алдағы кезеңдегі жұмыстардың жоспары туралы хабардар етті.
ақпарат көзі akorda.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді