Бұл туралы Sputnik Кыргызстан хабарлайды. YouTube порталында жария етілген компазицияның кіріспесінде Атамбаев бұл әннің өзіне кез-келген қиындықты жеңу жолында көмектескенін айтады. Президенттің баспасөз қызметінің басшысы Алмаз Үсенов те бұл ақпаратты растап, видеодағы шын мәнінде Алмазбек Атамбаевтың дауысы екенін айтқан. “Ол әнін де, сөзін де өзі жазды және гитараға да лайықтап айтып шықты. Жазба үй жағдайында осыдан екі ай уақыт бұрын жасалған”, – деді Үсенов Sputnik Кыргызстан сайтына берген сұхбатында. Видео Мелиса Убукееваның “Провинциальный роман” фильмінің кадрларымен монтаждалған.