Махмұд Қашқари атындағы Халықаралық қор құрылған күннен бастап Түркі дүниесі руханиятына жемісті жұмыс жасап, бауырлас халықтардың әдеби-мәдени байланыстарын жандандыру бағытында көптеген игілікті істер атқарып келе жатыр. Жақында осы қордың «Түркі дүниесі мәдениетіне сіңірген еңбегі үшін» медалімен жерлесіміз, белгілі жазушы Берік Шаханұлы марапатталды. Медальді Әзірбайжан Жазушылар одағының жанынан шығатын «Шынар» әдеби журналының Бас редакторы, көрнекті ақын, аудармашы Эльхан Зал Қараханлы мырза тапсырды.