Анкара қаласының бір миллион бір жүз мыңнан астам тұрғыны бар Кешиөрен ауданы – архитектуралық ерекшелігі жағынан болсын, үйлерінің орналасу тәртібі тұрғысынан да тұнып тұрған Еуропа. Осы қалада былтыр дәл осы уақытта Сүйінбай Аронұлының атындағы саябақ ашылса, енді міне жуырда тұғыры биік мүсіні орнатылды. Шара барысында Сүйінбай бабаның шөпшегі, белгілі сәулетші Ғабит Садырбаев осы игі шараға ұйытқы болған аза­мат­тарға және бүкіл түрік жұртшылығына жү­рекжарды тілегін білдірді. «Адырна» фоль­к­лорлық-саз ансамблі «Сүйінбайдан шашу» атты музыкалық туындыларын тарту етті. Концерттің соңында Қазақстанның Түркиядағы елшісі Ж.Түймебаев пен Алматы облысы әкімінің орынбасары Б.Өнербаев Кешиөрен муниципалитетінің мэрі Мұстафа Актың иығына шапан жауып, Жамбылдың портретін сыйлады.

«Ақ жол-Ақпарат».