Ақордада Нұрсұлтан Назарбаев мемлекеттің 4 айдағы әлеуметтік-экономикалық дамуының қорытындыларына арналған кеңес өткізді, - деп хабарлайды Tengrinews.kz тілшісі Ақордаға сілтеме жасап.

Қазақстан Президенті 5 мамырда өткен кездесудің барысында бірнеше маңызды тапсырма бергенін еске салды.

"Мен жер заңнамасының бірқатар бөлігіне мораторий жариялау туралы Жарлыққа қол қойдым. Сәйкес комиссия құрылып, жұмысты бастады. Оның бірінші отырысы көп талқыланды. Комиссия мүшелері жер туралы заңнаманы жетілдіру бойынша келісілген ұстанымды жасауы керек. Жерді шын мәнінде уайымдап жатқандар пікірін айтуы тиіс", - деді ҚР Президенті.

Оосыған байланысты Мемлекет басшысы облыс әкімдеріне және Астана мен Алматы қалаларының әкімдеріне осы мәселені түсіндіру бойынша жұмыстарды белсенді жүргізуді тапсырды.