2016 жылғы қаңтар-сәуір айлары аралығында 2015 жылғы ұқсас кезеңмен салыстырғанда шикі мұнай, көмір және темір кендерінің өндірісі төмендеді, деп хабарлады ҚР Ұлттық экономика министрлігінің баспасөз қызметінен.

«Сусындардың, темекі, мұнай өңдеу және автокөлік құралдарын жасау өнімдерінің өндірісі қысқарды. Сонымен бірге, табиғи газ және түсті металл кендерінің өндірісі өсті. Тамақ өнімдерінің, химия, фармацевтика және металлургия өнеркәсібі өнімдерінің өндірісі жоғарылады», - делінген хабарламада.

ҚР ҰЭМ хабарлауынша, төмендеу Ақтөбе, Батыс-Қазақстан, Қостанай, Қызылорда, Маңғыстау, Павлодар облыстарында және Алматы қаласында тіркелді.

Өнеркәсіптік өнімдерінің өндіріс көлемінің өсуі республиканың 9 өңірінде байқалды.