Пхеньян метросы шетелдік тілшілерге көрсетілді
Әлемдегі ең оқшау елдердің бірі Солтүстік Кореяның астанасындағы метро шетелдік тілшілерге көрсетілді. Бұл осы мемлекетте өтіп жатқан еңбек партиясының съезі аясында ұйымдастырылған.
Сурет juche-songun.livejournal.com
Бұл туралы 24.kz хабарлайды. Пхеньян метросы cыртынан қарағанда өзге жерасты теміржолынан еш айырмашылығы жоқ болғанымен, іші мұражайға көбірек келеді. Мұнда 16 станса бар. Олардың барлығында да ел көшбасшыларының суреттері бейнеленген. Ескі пойыздар да өте көп. Съезге келген тілшілер солардың ішіндегі ең жаңасымен жүріп өтті. Жерасты көлігі 4 вагоннан тұрады. Әрқайсысына 240 адам міне алады. “Жаңа пойыздар ыңғайлы орындықтармен жабдықталған. Әрбір вагонда заманауи электрондық табло бар. Онда станса атауы, ауа температурасы секілді стандартты ақпарат көрсетіледі. Сондай-ақ, қалалық троллейбустар мен автобус бағдары жайлы да мәлімет жазылады. Бұл Пхеньянға алғаш келген азаматтар үшін аса ыңғайлы”, – дейді метрополитен қызметкері Ри Ок Генг. Пхеньян метросы 1973 жылы ашылған екен. Әлемдегі ең терең жерасты жолдарының бірі саналады. Сондықтан оны бомбадан жасырынатын орын ретінде де қолдануға болады. “Мен біздің метромызды мақтан тұтамын. Пойыздарымызды өзіміздің отандық мамандар жасап шығарған. Бұл Солтүстік Кореяның дамыған елдердің қатарына екендігін көрсетеді”, – деді метро жүргізушісі Ким Ун Ха. Жалпы, Солтүстік Кореядағы еңбек партиясының съезіне Ресей, Қытай, АҚШ, Жапония, Испания, Франция елдерінің тілшілері шақырылған. Бас-аяғы 180 адам келіпті. Оларға Пхеньян метросынан бөлек, алқалы жиын өтіп жатқан мәдениет сарайына да кіруге де рұқсат берілген.ақпарат көзі: Stan.kz
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді