Сурет konctanciya.info

Бұл туралы ҚазАқпарат хабарлады. Бөтелкені 1906 жылы теңіз биологі Джордж Паркер Биддер тәжірибе өткізу барысында суға ағызып жіберген. Оның ішінде бөтелкені тауып алып Плимут қаласындағы Британ теңіз биологиялық қауымдастығына қайтару жөнінде уақыты көрсетілмеген өтініш хат болған. Қауымдастық бөтелкені тапқан адамға бір шиллинг беруге уәде еткен. Плимуттегі қауымдастықтың хабарлауынша, сынақ жүргізу кезінде теңізге мыңдаған бөтелке жіберілген. Биддер қатарынан екі жыл бойы ішінде хат салынған бөтелкелер жіберіп, оларды тауып алғандардың орны бойынша ағыс бағытын анықтаған. Көптеген бөтелкелер қайтарылмаған. Ал ең соңғысы теңізде 108 жыл, төрт ай 18 күн болған. Оны Солтүстік теңізінен тауып алған зейнеткер Мариан Винклер бөтелкені қағазда көрсетілген мекен-жайға жіберіп бір шиллингке ие болды. Бөтелке Британия жағалауынан 500 шақырым алысқа жүзіп барған. Бұған дейінгі хаты бар бөтелке рекорды 2013 жылы табылды. Ол теңізде 99 жыл 43 күн болған.