Жамбыл облысында «Лида-1300» астық ору комбайнын құрастырып жинау бойынша жұмыстар жүргізілуде. Бұл туралы ОКҚ өңірлік филиалында өткен брифингте Жамбыл облысы әкімдігінің ауылшаруашылығы басқармасының басшысы Нұржан Нұржігітов хабарлады,-деп жазадыҚазАқпарат.

«Облыста ауыл шарушылық техникаларын жаңарту жұмыстары да біркелкі жолға қойылуда. 2016 жылдың I тоқсанында  32,0 млн теңгеге барлығы 17 техника алынса, оның 9 данасы «ҚазАгроҚаржы» АҚ арқылы лизингке алынған. Тағы айта кететін нәрсе, облыс әкімі Кәрім Нәсбекұлының Белорусь Республикасына жұмыс сапары барысында қол жеткізген ынтымақтастық туралы келісімдер бойынша Шу қаласындағы «Шу локомотив жөндеу зауыты» базасында белорусьтық «Лида-1300» астық ору комбайнын құрастырып жинау бойынша жұмыстар жүргізілуде»,-деді Нұржан Молдиярұлы.