Бразилияның аты аңызға айналған футболшысы Пеле Кореядағы электроника өнімдерін шығарушы Samsung компаниясын өзінің бейнесін жарнамалық материалдарында теріс пайдаланғаны үшін сотқа берді, деп хабарлайды Associated Press.

The New York Times газетінің беттерінде орналастырылған теледидарлар жарнамасында бразилиялық футболшы жиі орындаған «қайшылап соғу» әдісін орындаған Пелеге ұқсас адам бейнеленгені хабарланып отыр.

Сот арызына сәйкес, Пеле өзіне келтірілген зиян үшін 30 млн. доллар төлеуді талап етіп отыр.