Бұл туралы ҚХР Төрағасы Си Цзиньпин бүгін Шанхай қаласында ашылған Азиядағы өзара іс-қимыл және сенім шаралары кеңесінің 4-саммитінің бірінші сессиясының барысында мәлімдеді.

    «АӨСШК бастамашысы - Нұрсұлтан Назарбаев. Біз оның үлкен саяси көрегендігі мен аймақтық қауіпсіздік пен әлемдегі бейбітшілікті қамтамасыз етуді өзінің парызы санайтын қасиетіне тәнтіміз», - деді ол. Оның сөзіне қарағанда, «АӨІСШК-нің күрделі даму жолы көпжақты сенімді нығайту мен келіссөздер заманның өзекті мәселелеріне, Азия елдерінің талаптарына жауап беретінін көрсетеді. Мұндай жетістіктер бұл іске мұрындық болған Қазақстан мен қазіргі төрағалық етуші ел Түркияның ауқымды үлесінсіз жүзеге аспас еді».

Ақпарат көзі: www.kazinform.kz