Әбдімомын Желдібаев, күйші, композитор, Қазақстанның еңбек сіңірген қайраткері: – Ұлыстың ұлы күні құтты болсын. Жер ананың иіп, күн мен түн теңесіп, табиғаттың оянар осынау ғаламат шағы тіршілік бастауындай. Дала төсінде диқан егін жыртып, көктеуде мал төлдеп, еңбек думаны қызып жатыр. Еңбек адамдарының бақыты жансын. Өткен жылға өкпе жоқ. Тараздың төрінде өткен Қазақ хандығының 550 жылдығы елдік мерейімізді тасытып, өзгелерге паш етті. Жыл басы әз Наурыз әр шаңыраққа бақыт, жақсылық әкелсін.