Ұлттық киімді киюге айрықша мән берген дұрыс - Қ. Сартқожа
- author «Ақ жол»
- 18 наурыз, 2016
- 261
Ұлттық киімді тек мереке күндерінде ғана киген дұрыс емес. Бұл туралы бүгін Астанадағы ҚР Тұңғыш Президенті - Елбасы кітапханасында Л.Н. Гумилев атындағы ЕҰУ Түркология және алтайтану ғылыми зерттеу институтының директоры Қаржаубай Сартқожа мәлім етті.
«Жалпы біз ұлт ретінде ұрпақтарымызды, жас буынды ұлттық тарихымызды негізге алып,тәрбилеуіміз керек. Сонымен қатар шенеуніктердің ұлттық тарихты өте жақсы білуі маңызды. Осы дәрежеде насихаттай алсақ, ұлттық салт-дәстүрімізді тиісті деңгейде сақтай аламыз»,-дейді Қ. Сартқожа.
Ұлттық киім мәселесіне тоқталған ғалым, «Біз негізінен еуропалық үлгідегі киімдерді киіп жүрміз. Кезінде біздің ұлттық киімдеріміз қандай керемет еді. Қазіргі кезде дизайнерлеріміз осы киімдерді жаңғыртып, шығарып жатқаны қуанышты. Осыны бүкіл халықтық дәрежеге шығаруымыз қажет. Тойда немесе мерекеде ғана емес, жалпы күнделікті киіп жүретіндей мақсатты қою керек. Бұл өз кезегінде елімізде үлкен бетбұрыс болар еді»,-дейді түрколог ғалым.
Айта кетейік, Елбасы кітапханасындағы Қаржаубай Сартқожаның жастармен кездесуі Қазақстан Тәуелсіздігінің 25 жылдығын мерекелеу аясындағы «Ұлы Дала дәстүрлері» айлығына арналған.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді