Америкалық Nikola Labs стартап-компаниясы iPhone 6 смартфонына арналған ауадан қуат алатын тыстама жасады. Ғажап тыстаманың құны 99 долларды құрайды. Өнертапқыштар құрылғының Wi-Fi сияқты радиожиілілікті электрге алмастыра алатынын көрсетті. Бұл озық технология ауадан қуат алуға мүмкіндік береді. Тыстамаға құрылғыдан шығатын қажетсіз радиотолқын энергиясын өзіне жинап, оны электрге айналдыратын антенна орнатылған. Тыстама батареяның жұмыс уақытын 30 пайызға арттырады. Nikola Labs мұндай технология шығаратын жалғыз компания емес, бірақ ол коммерциялық дайын өнімді бірінші болып ұсынып отыр.