Қаратау қаласында 250 адамға арналған аудандық емхана бой көтеруде. Бұл туралы Орталық коммуникациялар қызметінің өңірлік филиалында өткен брифинг барысында Жамбыл облысы Талас ауданының әкімі Болат Рысмендиев мәлімдеді.

«Қаратау қаласында жаңа аудандық аурухана салынуда. Жобаның жалпы құны 1125,9 млн теңге (мердігер «Тарз тұрғын құрылыс» компаниясы» ЖШС)», - деп атап өтті Б. Рысмендиев.

2014 жылы ЖСҚ әзірлеу үшін облыстық бюджеттен 5,2 млн теңге бөлініп, игерілген. 2015 жылы республикалық бюджеттен 338,9 млн теңге, оның ішінде облыстық бюджетен - 41,8 млн теңге бөлініп, игерілді. Барлығы 380,7 млн теңгеге ғимараттың іргетасы қаланып, 3 қабатты қаңқасы мен қабырғасы көтерілді. 336,9 млн теңге бөлінген нысан 2016 жылы пайдалануға беріледі, деп мәлімдеді облыстың ішкі саясат басқармасынан.