Қазақстан 2017 жылы Қытайға 50 мың тонна етті экспорттауды көздеп отыр
- author «Ақ жол»
- 16 наурыз, 2016
- 196
Қазақстан 2017 жылы Қытайға 50 мың тонна етті экспорттауды көздеп отыр. Бұл туралы бүгін KazMeatAstana-2016 атты халықаралық форумда Қазақстанның ет өндірушілері одағының басшысы Мақсұт Бақтыбаев мәлім етті.
«Біз келесі жылы Қытайға 50 мың тонна етті экспорттауды жоспарлап отырмыз. Етті шекара ашылғанда жөнелте бастаймыз. Үкімет басшысы деңгейінде бұл мәселе шешімін тапты, қазіргі уақытта біздің кәсіпорындардың ветеринарлық сертификаттары мен техникалық аудиттері бойынша жұмыс жасалып жатыр. Бұл бағыттағы жұмыстар кемінде 4-5 айға созылады», - дейді ол.
Оның сөзіне қарағанда, қазақстандық өндірушілердің қазірдің өзінде осындай көлемдегі етті экспорттауға күші жетеді.
Сонымен қатар «ҚазАгро» холдингі басқарма төрағасының орынбасары Айдарбек Қожанасаровтың айтуынша, Қытай нарығы Қазақстанның ет өндірушілері үшін әлеуетті нарық болып отыр. Себебі қазіргі уақытта Қытайда тұтыну мәдениеті күннен күнге ет пен ұн өнімдеріне ойысып барады.
Холдинг өкілінің атап өткеніндей, қытайлық азаматтар өз еліндегі экологиялық мәселелерге байланысты Қытайда шығарылған азық-түліктерден гөрі, көбіне-көп органикалық таза шетел тағамдарын таңдайды.
«Былтыр Қытай 300 мың тонна етті импорттады. Ал 2010 жылы оның көлемі 23 мың тонна ғана болатын. Демек, он жылда импорт 10 есе ұлғайған», - деді ол.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді