ҚР Ұлттық банкі 2016 жылы несиелеу көлемінің артатынын болжап отыр
- author «Ақ жол»
- 16 наурыз, 2016
- 219
ҚР Ұлттық банкі 2016 жылы несиелеу көлемінің артатынын болжап отыр. Бұл туралы Ұлттық банк төрағасы Данияр Ақышев Ақтөбеге сапары барысында айтты, деп хабарлады банктің баспасөз қызметінен.
«Жыл басынан бері экономиканы кредиттеуде оң динамика байқалып отыр. Банктердің несие берудегі белсенділігін арттыру үшін Ұлттық банк 2016 жылдың 1 қаңтарынан бастап бірқатар реттеу жұмыстарын бастады», - деді ол. Оның айтуынша, несиелеу процесіне көп қырлы факторлар әсер етеді. Бұл бағытта ШОБ-ты қолдауға бағытталған мемлекеттік бағдарламаларды атауға болады. «Көптеген борышкерлер қайтара алмайды. Несиелеу процесі банктердің нашар портфелді тазалауымен ғана шектеледі», - деді ол. 2015 жылы экономиканы несиелеу 4,7%-ға, 12,7 трлн теңгеге дейін өсті. Заңды тұлғаларды несиелеу 5,2%-ға 8,5 трлн теңгеге дейін, жеке тұлғаларды несиелеу 3,7%-ға, 4,2 трлн теңгеге артты. Көбіне сауда (20,9%), өнеркәсіп (13,3%), құрылыс (8,0%), ауылшаруашылығы (5,0%) салаларында несиелеу көлемі артқан.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді