Қазақстанда балалардың тойда өнер көрсетуіне тыйым салынуы мүмкін
- author «Ақ жол»
- 4 наурыз, 2016
- 200
БҚО прокурорлары балалардың тойда өнер көрсетуінен бас тартуға шақырды, - деп хабарлайды Tengrinews.kz тілшісі "Мой город" басылымына сілтеме жасап.
БҚО прокурорының көмекшісі Алмагүл Смағұлованың айтуынша, балалардың үйлену тойларында, мерейтойларда өнер көрсетулері дұрыс емес. Себебі олардың жартылай жалаңаш күйде өнер көрсетулері кәмелет жасқа толмағандарға жыныстық мәнде қол сұғушылық түрінде жасалған қылмыстардың артуына әкеп соғып отыр.
"2012 жылы мұндай қылмыстардың 12-сі тіркелді, ал 2015 жылы оның саны 52 дерекке дейін артты және биыл екі айдың ішінде 10 қылмыс тіркеліп үлгерді. Мұндай қылмыстардың алдын алу үшін оларды зерттеп, себептерін анықтау жұмыстары жүргізілді. Сонымен қатар, бірқатар психологиялық зерттеулердің нәтижесі құрбаны қалыптаспайынша, педофилдердің қалыптаспайтынын анықтап беріп отыр", - деді Смағұлова.
Оның айтуына қарағанда, жартылай жалаңаш киініп, беттерін бояп, үлкен сахнаға шыққан балалар көпшіліктің ортасында жүреді және олардың билерінің кейбірі адамдарды азғырады.
"Бұл шаралар түнгі уақытта өткізіледі, қонақтар көңіл көтеру үшін балалар шақырылып, олар би билейді. Балалардың ондай орындарда жүруі дұрыс емес. Ол жерлерде салауатты өмір салты сақталмайды. Жалпы, шығыс билерінің тарихына үңілетін болсақ, оны әйелдер күйеулері үшін орындайды. Қыздардың көпшілік алдында жартылай жалаңаш күйде билегені қажет емес ", - деді ол.
Айта кетейік, балалардың түнгі сағат 22.00-ден кейін ондай жерлерде ата-анасының қарауынсыз жүргені үшін құқық қорғау органдары ересектерді әкімшілік жауапкерлікке тарта алады.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді