Бұл туралы "Ақ жол" партиясының баспасөз қызметіне сілтеме жасап Қазақстан жаңалықтары хабарлайды. "Білім және Ғылым саласын бақылау бойынша Комитеті жанынан арнайы жұмыс тобы құрылып, 9 ақпан күні тарихи тұпнұсқалығынан ауытқыған нұсқасы 2017-2018 жылдары шығатын хрестоматиямен өзгеретіні туралы шешім қабылданғаны жазылған", — делінген хабарламада. 2015 жылғы күзде 9 сыныптарға арналған қазақ әдебиеті хрестоматиясының мазмұны қоғам мен әлеуметтік желілерде үлкен наразылық тудырған болатын. (Қазақ әдебиеті хрестоматиясы, «Мектеп» баспасы, 2012 жыл). Депутаттар хрестоматияны оқулық құралы ретінде пайдалануға прокурорлық шара қолдануды талап етті. Олар аталған қателік қолданыстағы заңнамалардың, оның ішінде ҚР «Халық денсаулығы және денсаулық сақтау жүйесі туралы» Кодекісі, ҚР «Білім туралы» заңы, «Бала құқытары туралы», «Жарнама туралы» заң талаптарын бұзып отырғанын атап көрсеткен еді. "Әлбетте, мұндай «әдет» XVII-XVIII ғасырдағы қазақтың салтына сай келмейді. Бірақ 1922 жылы хрестоматияға әдейі бұрмалаушылық енгендіктен, аталған нұсқадағы мәтін қазірге дейін солай жазылып келген.