Бакуде Әзербайжан премьер-министрінің Қазақстанның ұлттық қауіпсіздік комитеті төрағасының орынбасары, Шекара қызметінің директоры, полковник Дархан Ділмановпен кездесуі болды.

Кездесуде мемлекеттік шекараны күзету саласындағы екіжақты ынтымақтастықты нығайту, жасырын көші-қонға және Каспий теңізі арқылы контрабандаға қарсы тұру мәселелері талқыланды.

Атап айтқанда, Әзербайжан мен Қазақстан арасындағы, соның ішінде шекараны қорғау жүйесінде байланыстарды нығайту, бұл қызметтер саласында үнемі тәжірибе алмасу екі елдің мүдделеріне сай келетіні және Каспийдегі шекара қауіпсіздігі мәселелерінде тиімді болатыны атап өтілді. Алдағы ынтымақтастықтың маңызды бағыттары - Әзербайжанда Қазақстанның Шекара қызметі үшін күзет кемелерін және катерлер құрылысы, ұшақтар мен кемелерді жөндеу, мамандар даярлау, Еуропа мен Азия арасындағы маңызды көпір рөлін атқаратын Баку халықаралық теңіз сауда порты арқылы транзиттік тасымалдарды дер кезінде және сапалы жүргізу үшін қолайлы жағдай туғызу болмақ.

«Баку кеме жасау зауыты» - әзербайжандық SOCAR мемлекеттік компаниясының (65 % қатысу),  Әзербайжан инвестициялық компаниясының (25 %) және Keppel Offshore & Marine (10 %) біріккен кәсіпорны, ол 2013 жылы күзде ашылған. Keppel зауыттың 10 % акциясын иеленген және басқаруға және пайдалануға жауап береді.