Алматыда 15 мың теңгенің ыдыстарын 1 мың доллардай ақшаға сатқан румыниялық алаяқтар ұсталды
- author «Ақ жол»
- 22 ақпан, 2016
- 163
Алматыда алаяқтық әрекеттер жасады деген күдікпен Румыния азаматтары ұсталды. Бұл туралы бүгін Алматы қалалық ІІД баспасөз қызметінен хабарлады. Алматыда жергілікті тұрғындардың шағымы бойынша Румынияның 17 азаматы Наурызбай аудандық ІІБ жеткізілді.
«Қазір тергеу бөлімінің өндірісінде шетелдіктерге қатысты екі алматылық азаматтың арызы жатыр. Олардың айтуынша, өздерін «шетелдік туристерміз» деп таныстырған бір топ ер азаматтар «брендтік тауарлар» деп оларға арзан ыдыс-аяқтар сатқан. Румыния азаматтары жергілікті тұрғындарға аяқ астынан отандарына кетуге тура келгендіктен ақшаға мұқтаж болып тұрғандарын сылтау етіп айтқан. Осылайша, қолдан жасалған арзан ыдыс-аяқтар сатқан. Күдіктілер ұсталған соң, олардың бұл ыдыстарды Алматы базарларының бірінен сатып алғаны белгілі болды», - деді Наурызбай аудандық ІІБ бастығы, Мұхит Шайхин.
Шет елдіктер бұйымдарды екі есе қымбат бағамен сатқандарын жасырмайды. Олар алғашқы тергеу барысында ыдыс-аяқтарды 15-16 мың теңгеге сатып алып, 1 мың доллардай ақшаға сатқандарын мойындады. «Шетелдіктер Алматыда пәтер жалдап тұрған. Жалға алынған қымбат көліктермен жүрген. Сөйтіп, жергілікті азаматтардың сеніміне кіріп алып, өздерінің арам ниеттерін жүзеге асырған болса керек. Егер олардың алаяқтық іс-әректтерінен зардап шеккендер бар болса, мына телефон нөмірлеріне хабарласуларына болады:254-44-60; 254-44-61 и 254-44-63», - деді полковник Шайхин.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді