Павлодар қаласында «Жас ұрпақ» жастар үйінің 25 жастағы түлегі Анастасия Зеленова «Work and Travel» бағдарламасы аясында АҚШ-тың Флорида штатында төрт ай тағылымдамадан өтіп елген соң өз бизнесін ашқан, деп хабалайды pavlodarnews.kz тілшісі.

Бұл туралы мекеменің директоры Айжан Қойсоймасова мәлім етті.

- Анастасия жастар үйіне 18 жасында Розовка балалар үйінен сіңлісі Иринамен бірге келген. Ол азық-түлік өнімдері технологі мамандығы бойынша Еуразиялық инновациялық университетінде білім алып, қосымша жұмыс істеді. Сондай-ақ шетелде дәмханаларда еңбек етіп, бар табысын жинаған. Осылайша, былтырғы жылы өз қаржысына бір бөлмелі пәтер мен көлік сатып алды, - дейді А. Қойсоймасова. Жастар үйі директорының айтуынша, бүгінгі таңда 97 тәрбиеленуші «Жас ұрпақ» мекемесінде тұрады. Олардың 47-сі қыздар болса, 50-і - ер балалар. Алдына үлкен міндет қойған қыз студент кезінен Розовка ауылындағы ұстазы Инна Андрияноваға барып, ағылшын тілін үйренген. - Әзірге кондитерлік өнімдерге сұраныс та жоғары. Қосымша MAMADANCE би мектебінде әкімші болып жұмыс істеймін. Менің бар мақсатым - үздік кондитер қырынан танылып, кейін шебер технолог маман атану және өз бизнесімді әрі қарай дамыту. Ең бастысы, арманға қол жеткізу үшін тыңбай еңбек ету керек, - дейді Анастасия Зеленова.