2014 және 2015 жылдары шыққан «Мазданың» CX-5 кроссоверінде ақау бар екені анықталды, деп хабарлайды жергілікті БАҚ.

АҚШ-та жапондық «Мазда» автоконцерні жанар май багындағы ақауға байланысты 237 мың автомобильді кері қайтарады. Компания таратқан мәліметте 2014 және 2015 жылдары шыққан CX-5 кроссовер көліктері ғана кері қайтарылатыны көрсетілген. Жанар май багында жарық пайда болатындығы анықталды, соның салдарынан өрт шығуы мүмкін. Компания өкілдері ақауға байланысты әзірге жол апаты тіркелмегендігін мәлімдейді. Концерн ақауды тегін жөндеуге уәде беріп отыр.