Оңтүстіккореялық теледидар өндірушілер өз өнімдеріндегі 3D технологияларынан бас тартуда, деп жазады жергілікті басылымдар. Samsung пен LG компаниялары 3D қолданатын теледидарларды шығаруды азайтып жіберген, алдағы уақытта бұл технология тек қымбат нұсқаларына ғана орнатылады.

LG өкілдерінің айтуына қарағанда, 2016 жылы осындай теледидар шығару екі есеге қысқартылады. Егер 2015 жылы LG компаниясының жаңа өнімдерінің 40% 3D қолданса, биыл олардың саны 20 пайызға азаяды. Бұл тек аса қымбат құрылғыларда ғана.

Pocket-lint жазуына қарағанда, Samsung 3D технологияны қолданудан бас тартқан. 3D көзілдірік шығарушылар осы компаниядан 2016 жылға тапсырыс алмаған. Сарапшылардың ойынша, бұл қадам - тұтынушыларға арналған құрылғыларды осы технологияның орнатылмайтындығын білдіреді.

Еске сала кетсек, соңғы 2-3 жылда 3D-контенттің кең таралмауы байқалуда. Ірі медиажелілер осы бағыттағы өнім шығаруын тоқтатты, шыға қалғанның өзінде ол белгілі бір мақсатқа арналған бірен-саран бағдарлама ғана.