Біз ҰБТ-ның соңғы үкім болмауы үшін жұмыс істеп жатырмыз - Назарбаева
- author «Ақ жол»
- 5 ақпан, 2016
- 235
Дариға Назарбаева ҰБТ-ның соңғы үкім болмауы үшін жұмыс істеп жатқандарын айтты. Бұл туралы ол ҚР Білім және ғылым министрлігі ұжымының кеңейтілген отырысында мәлімдеді, - деп хабарлайдыTengrinews.kz тілшісі.
"ҰБТ қазір балалар үшін де, ата-ана үшін де моральдық және психологиялық проблема болып отыр. Жыл сайын емтиханның жауабы шығатын кезде қатты уайымдаймыз. ҰБТ-ның соғысқа ұқсас болмағанын қалаймыз. Тұрсынбек бір әзілінде ҰБТ болатын кезде ата-ана, оқушы, мамандардың схема құратынын айтты. Біздің халық бұл жағынан өте дарынды. Сондықтан да шын талантты, білімді оқушының оқуға түсу жолында кедергі болмас үшін жұмыс істейміз. Бұл жүйені ыңғайлы еткіміз келеді. Бұл туралы қосымша хабарлаймыз", - деді Назарбаева. Ол ҰБТ жүйесін тиімді ету үшін идея айтуға шақырды. "Біз мектептердегі білім деңгейі туралы нақтырақ мәлімет алу үшін жұмыс істеп жатырмыз. Дегенмен ҰБТ мектеп жұмысының сапасын 100 пайызға көрсете алмайды. Оған қосымша бірнеше көрсеткіш болуы керек. Сондықтан да өздеріңіздің ұсыныстарыңызды айтыңыздар", - деді ол.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді