Бейбіт Ыстыбаев, «Қазақстан барысы» республикалық турнирінің 2 дүркін чемпионы.

Қазақстан дербес ел болған­нан бері басқа сала­лармен бірге қазақ спор­тының, оның ішінде қазақ күресінің де мерейі асты. Елбасы қамқорлығы мен мемлекет қолдауының арқасында спортшылар Тәуелсіздік­тің 25 жылдығын толайым табыстармен қарсы алды. Мен ғана емес, осы съездің делегаттары Ұлан Рысқұл, Геннадий Головкин, Илья Ильин, Серік Сәпиев және басқа да чемпиондардың барлығы Елбасының қамқор­лығымен әлемдік табыстарға жетті. Тәуелсіздіктің 25 жылында талай байрақты бәсекелерде көк туымызды биікте желбіретті. Қазақ күре­сі соңғы уақытта ерекше қамқор­лыққа ие болып, әлемге танымал спорт түріне айналды. Былтырғы жылы «Қазақстан барысы» атанғанда Елбасы қолынан алған алтын тайтұяқ спорттық жолымдағы ең үлкен мәртебем екенін мақтанышпен айта аламын. Ата-бабамыздан мирас болып қалған қазақ күресінің ортамызға қайта оралып, халықтың көзайымына айналғаны жастарды патриоттық қасиетке баулуда үлкен рөл атқаратыны сөзсіз.