KASE күндізгі сессиясында доллар бағамы 5 теңгеге түсіп, 375,14 теңгеге тең болды, - деп хабарлайды Tengrinews.kz тілшісі. Айта кетейік, таңғы сессияда шетел валютасының құны 379,5 теңге болған еді. Бұл тарихи антирекорд болатын.

Күндізгі сессияда алғашқы сауда 379,5 теңгемен жасалды. Бұл сессия барысындағы ең жоғарғы баға болды. Ал ең төменгі баға 369,95 теңгеге дейін түсті. Сессия кезінде сауда көлемі 87,25 миллион доллардан асты. Ақша айырбастау орындары долларды 375-377 теңге аралығында саудалап жатыр.