Қазақстанда мұнайшылар мен бизнес-кеңесшілері ең жоғары жалақы алады екен. Ал еңбегі ең төмен ақыға бағаланғандар – банк пен түрлі шығармашылық қызметкерлері болып шықты.

Әрине, дәрігерлер мен мұғалімдерден бөлек. Тәуелсіз жасалған сараптама осындай қорытынды беріп отыр. Нақтыласақ, мұнай-газ саласында еңбек ететіндердің орташа жалақысы – 197 мың теңгені құраған. Кәсіпкерлерге кеңес беруші тұлғалардікі – 145 мың теңге шамасында. Бұдан кейін «жалақысы жақсы» деп заңгерлер аталыпты. Олардың алары айына – 123 мың теңге көрінеді. 118 мың теңгені қалталап, IT-саласының өкілдері тізімге ілігіп отыр екен. Жоғары жалақы рейтингісін 108 мың теңгемен Маркентинг және жарнама қызметкерлері аяқтайды. Ал ең аз айлық алатындардың санатын банк өкілдері бастап тұр. Олар 73 мың теңге айлықты місе тұтады деседі. Дәрігерлер мен мұғалімдердің алары, әрине, одан да төмен. Шамамен – 43 мың теңге. Бұдан бөлек, «еңбегі мардымсыз» деп аграрлық қызметтің өкілдері, жазушылар, суретшілер және журналистер аталыпты.