Халқымыз Тәуелсіздік мейрамын барлық мерекелердің бастауы деп есептейді. Ел еңсесінің биік, Тәуелсіздігіміздің мәңгілік болғанын қалайды. Тәуелсіздік мерекесіне арналған концерттік бағдарламаны тамашалауға «Достық» алаңына жиналған жұртшылықтың тілегі де осы еді.
«Елімнің еркіндігі – Тәуелсіздік!» атты мерекелік кеш «Ақкербез» би ансамблінің «Дала еркелері» биімен ашылды. Облыстық филармония әншілері «Ұлы Дала елі – Қазақ елі» әнін шырқап, мерекелік шараны қыздыра түсті. Сазгер, әнші Нұрлан Еспановтың «Қазақстан» әнін Әлішер Болтаев нақышына келтіре орындады. Қазақстан эстрадасы әншілерінің арасында өзіндік ән орындау стилімен танылған «Алашұлы» тобы патриоттық әндерді әуелетті. Көпшілік көңілін баурай түсті. Сонымен қатар, өңіріміздің жұлдызды жұбы «Әдемі-ай» дуэтінің орындауындағы сырлы әндер тыңдармандардың құлақ құрышын қандырды. Концерттік бағдарлама «Елім менің» әнімен түйінделді. Мерекелік отшашулар түнгі Тараздың аспанын қызылды-жасылды бояуларға бояп, жұлдыздар жамырап шыққандай әсер қалдырды.
Нұрым Сырғабаев, «Ақ жол».
Ұқсас жаңалықтар
Қоршаған ортаны қорғауға қоғам белсенділігі қажет
- 19 қыркүйек, 2024
Болашағын әскери саламен байланыстырған сарбаздар
- 19 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді