Қазақстан қор биржасында бүгін күндізгі сауда сессиясында доллардың орташа бағамы тағы да қымбаттап, 331 теңге 33 тиынды құрады.

Бұл – бүгін таңертеңгі сауда сессиясынан 8 теңге 86 тиынға артық деп жазадыАзаттық.

Биржа мәліметі бойынша, бүгін таңғы және күндізгі сессияда барлығы 511 миллион 550 мың доллар сатылған.

Ал kurs.kz және valuta.kz сайттарының мәліметі бойынша, Астанадағы ақша айырбастау орындары долларды 340 теңгеден сатуда.

Алматыда долларды сату – 338,5 теңге, сатып алу – 336 теңгені құрады.

Сол арада әлеуметтік желілерде азаматтар ақша айырбастау нүктелерінде доллардың сатылып жатпағанын жазуда.