Ақорданың Facebook желісіндегі ресми парақшасында онлайн-брифингте мемлекет басшысы Нұрсұлтан Назарбаевтың баспасөз хатшысы Дәурен Абаев «Қазақпарат» ХАА сауалына жауап берді.

«РФ Мемлекеттік Думасының ТМД істері жөніндегі Комитет Төрағасы Леонид Слуцкийдің қазіргі уақытта ЕАЭО елдері үшін бірыңғай есеп айырысу бірлігін құру бойынша жұмыстар жүргізіліп жатыр деген сөзіне қатысты не айта аласыз?» деген сауалға Дәурен Абаев: «Қазіргі таңда есеп айырысу бірлігі мен ЕАЭО ортақ валютасын құру мәселесі күн тәртібінде тұрған жоқ. Бұл мәселе интеграциялық бірлестіктің бір де бір деңгейінде талқыланып жатқан жоқ», – деп жауап берді.

Еске сала кетейік, Ресейлік депутат ЕАЭО елдері арасында ортақ валюта енгізу жұмыстары туралы баяндап, Еуразиялық экономикалық одақ (ЕАЭО) елдері үшін ортақ валюта енгізу жұмыстары баяу болса да жүріп жатырғанынайтқан болатын.

Ал саясаттанушы Расул Жұмалы ортақ валютаның тек Ресейге ғана тиімді екенін айтып, мұның Қазақстанның экономикалық дербестігіне қауіп төндіретінін ескертті.