Қазақстан АИ-80 маркалы бензинінен Кедендік одақ қойған техникалық тәртіптерге сай келмейтіндіктен толықтай бас тартуы мүмкін деп мәлімдеді Энергетика министрлігі.

Еуро-4 стандарттарына сәйкес келетін өнімдерге көшуді көздейтін Кедендік одақтың техникалық тәртіптері 2016 жылдың 1 қаңтарынан бастап іске қосылады.

Оған сәйкес, АИ-80 маркалы бензині техникалық тәртіптерге сай келмейді. Сол себепті бензиннің бұл түрі көп ұзамай өндірістен шығуы ғажап емес.

Таяу арада АИ-80 маркалы бензиннің тапшылығы орын алады деп күтілуде. Себебі бұл маркалы безнинді өндіру көлемі Павлодар мұнай-химия зауытының 10 қыркүйектен 20 қазанға дейін жөндеу жұмыстарына жабылып қалуы салдарынан азайып кеткен.

Ал Атырау мұнай өңдеу зауыты болса, АИ-80 бензинін өндіруден толықтай бас тартқан. Нәтижесінде аталмыш марканы тек Шымкент мұнай-өңдеу зауыты шығаруда.

Бүгінде әлем бойынша көптеген елдер АИ-80 бензинін өндіруден бас тартып жатыр.

Қазақстан да біртіндеп бұл марканы өндірістен шығаратын болады деп жазады басылым.

Ақпаратты “Время” басылымының рұқсатынсыз көшіруге немесе пайдалануға болмайды.