Орынбордан ұшырылатын зымырандардың қалдықтары Маңғыстау аймағына құлайды
- author «Ақ жол»
- 23 қазан, 2015
- 143
Орынбордағы «Ясная» алаңынан ұшырылатын зымыран қалдықтары Маңғыстау өңіріне құлайды. Бұл жайында Астана арнасына Аэроғарыш комитеті төрағасының орынбасары Мейірбек Молдабеков мәлімдеді.
Бірақ қай аумаққа құлайтыны мен жер аумағының көлемін нақтыламады. Маңғыстау өңірі зымыран қалдықтары үшін қомақты қаражатқа ие болады. Бұл сомма жылына шамамен жарты миллиард долларды құрамақ. Бұл келісім Ресей президентінің Қазақстанға ресми сарапы кезінде жасалған болатын.
Ал коммерциялық ұшырылымдардың операторы ретінде халықаралық «Космотрас» ғарыш компаниясы бекітіледі. Айта өтейік, Қазақстан, Ресей мен Украина осы компанияның акционерлері болып табылады.
“Маңғыстау облысы жерді жалға бергені үшін тиісті қаражатын алады. Менің білуімше шамамен 500 мың доллар көлемінде. Сомма қомақты. Өйткені Маңғыстау облысының әкімдігі келісімді қуана мақұлдады. Бұл ақша облыс бюджетіне түседі. Зымыран қалдықтарына бөлінетін нақты территорияны айта аламаймын. Бірақ үлкен емес”, – дейді Инвестиция және даму министрлігі Аэроғарыш комитеті төрағасының орынбасары Мейірбек Молдабеков.
Бұдан былай Қазақстан лаңкестер мен есірткі айналымы бизнесімен айналысатындарды ғарыштан бақылап, анықтайтын болады. Бұл жайында ол парламент мәжілісінің қабырғасында Ғарыш қызметіне қатысты заң жобасының таныстырылымы аясында мәлімдеді. Ал бұған дейін Қазақстан шетелдік ақпаратқа тәуелді болып келген болатын.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді