Мемлекет Басшысының Өкімімен Румиль Тауфиков басқа жұмысқа ауысуына байланысты Қазақстан Республикасының Президенті Протоколының бастығы қызметінен босатылды, - деп хабарлайды  Tengrinews.kz тілшісі Ақордаға сілтеме жасап.

Қазақстан Президентінің Протоколы басшысы міндеті уақытша Тимур Пірімбетовке жүктелді. Ол бұған дейін ҚР Президентінің Протоколы бастығының орынбасары қызметін атқарған болатын.

Румиль Тауфиков бұл қызметті 2009 жылдың тамыз айынан бастап атқарған болатын. Оған дейін бұл қызметте Алматы әкімі Бауыржан Байбек болды.