Астанада ұйымдастырылған отандық машина жасаушылар форумының негізгі түйіні осындай. Жиында 600-ге тарта электротехника саласының өкілдері бірқатар өзекті мәселені талқыға салды. Солардың ішінде тау-кен теміржол салаларына машина жасау, мұнай өндірісі мен өңдеу ісіне арналған электроқондырғыларды шығару сынды бағыттарға басымдық берілді. Дегенмен елімізге әкелінген көліктердің біршама бөлігі импорттың үлесінде. Ал өңдеу өнеркәсібінің 4%-ы отандық машина жасаушыларға тиесілі. Сондықтан өндіріс пен сұраныс қажеттілігін жан-жақты қолдаймыз дейді тиісті сала мамандары.

Андрей Лаврентьев, Қазақстан автобизнес қауымдастығының төрағасы: - Қостанай облысында қытайлық брендке ие көлік құрастыру жобасы бар. Ол жобаның нұсқасы 2016 жылы аяқталуы тиіс. Біз сол арқылы жаңа деңгейге көтерілуді жоспарлап отырмыз. Негізгі бағытымыз – Еуразиялық экономикалық одаққа Қазақстанда құрастырылған автокөліктер саудасын арттыру.