Қытайлық компаниялар Қазақстандағы мұнайдың 25 пайызын өндіреді - Т. Құлыбаев
- author «Ақ жол»
- 30 қыркүйек, 2015
- 238
![Қытайлық компаниялар Қазақстандағы мұнайдың 25 пайызын өндіреді - Т. Құлыбаев](https://aqjolgazet.kz/uploads/resized-images/2015/09/441.jpg)
Қытайлық компаниялар Қазақстандағы мұнайдың 25 пайызын өндіреді. Бұл туралы бүгін Астанадағы «KAZENERGY-2015» Х Еуразиялық форум аясындағы баспасөз мәслихатында «KAZENERGY» қауымдастығының төрағасы Тимур Құлыбаев мәлім етті.
«Қытайлық компаниялар Қазақстан мұнай секторында ең белсенділердің бірі, яғни олар елімізде мұнайдың 25 пайыздан астамын өндіруде. Қазіргі кезде нарыққа қытайлық SINOPEC GROUP атты жаңа компания келді. Олар Қазақстандағы Лукойлдың активтерін сатып алды», - деді Т. Құлыбаев.
Оның сөзіне қарағанда, Қытайға қарай құбырлардың қуаттылығы 12 млн. тоннаны құрап отыр.
«Жалпы, Қытайға қарай біздің құбырлардың өткізгіштік қабілеттілігін 20 млн. тоннаға дейін кеңейтуге болады деген түсінік бар. Бұл ел біз үшін ауқымды нарық болып табылады. Екінші жағынан алып қарағанда, бұл бағыттағы нарық өте кең, өйткені, сырттан жеткізілетін энергия көздеріне тәуелді. Сондықтан да олар өздерінің қауіпсіздігі мен нарықтарының қажеттілігі тұрғысында көмірсутектерді жеткізу бойынша Қазақстанмен ынтымақтастықты белсенді дамытуда», - деді Т. Құлыбаев.
Осы орайда ол Қазақстан да көмірсутектерді аталған елге экспорттауда қызығушылық танытып отырғандығын атап өтті. Себебі, көршілес Өзбекстан, Әзербайжан, Түркменстан, Ресей, Иран мемлекеттері де мұнай немесе газ өндіретін елдер болғандықтан, Қазақстан осы елдерге өз өнімін шығара алмайды.
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді