Тараз көлік парктерінде миллиондаған кірістің жасырылғаны анықталды
- author «Ақ жол»
- 18 қыркүйек, 2015
- 228
Тараз көлік парктерінде өткізілген хронометраждың барысында миллиондаған кірістің жасырылғаны анықталды. Бұл туралы мәлімет Жамбыл облысының әкімдігінде аймақ басшысы Кәрім Көкірекбаевтың қатысуымен өткен кезекті аппарат кеңесінде айтылды.
Жамбыл облысы бойынша мемлекеттік кірістер департаментінің басшысы Асқар Тынысбековтың хабарлауынша, көлікпен тасымалдаушы кәсіпорындар қызметін талдау барысында жалдамалы қызметкерлер мен көлік құралдары санының айтарлықтай төмендетілуі анықталған.
2014 жылы Тараз қаласының сегіз паркі бойынша кірістердің 2013 жылмен салыстырғанда 54,3 млн. теңгеге төмендеуі фактісі орын алған, деп атап өтті А.Тынысбеков. Бұл ретте мемлекеттік бюджетке төленетін салықтарды көбейтуге септігін тигізетін жалдамалы қызметкерлер мен көліктік құралдардың нақты саны анықталды. Бұл сондай-ақ аймақта көлік тасымалдаушыларының қызметі бойынша салық салынатын қосымша қорлар бар екендігін білдіреді.
Облыс әкімі жолаушылар тасымалы саласында салық заңнамасын бұзып жүрген субъектілерге қатысты тиісті шараларды қолдану қажеттігін атап өтті.
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді