Жиынның күн тәртібіне шығарылған мәселелерді талқыға салған тараптар келісім шеңберінде тіл табысуға тырысты. Экономикалық одақтың макро-экономикалық және қаржылық тұрақтылықты қамтамасыз ету барысында пікір алмасты. Өндірістік салалардың ынтымақтастығын арттыратын келісімдер жасалды. Кеңес мүшелері әлемдегі экономикалық ахуал салдарын әбден зерттеп, тығырықтан шығар жолды бірге іздеуге уағдаласты. Мәселен, Қырғызстан премьер-министрі ауылшаруашылық және азық-түлік тауарларын әзірлеу саласында қауымдастық құру бастамасын көтерді. Ал Арменияның үкімет басшысы одақ аумағындағы доллардың қолданысын азайтуды ұсынды. Жиын барысында белгілі болғаны келер жылдан бастап дәрілік препараттар ортақ нарықта сатылады.

Бақытжан Сағынтаев, ҚР Премьер-министрінің бірінші орынбасары - Қазақстан Үкіметінің пайымынша, Еуразиялық экономикалық одақтың халықаралық ұйымдармен және өзге елдермен әріптестігі Атлант және Тынық мұхиты аралығындағы кеңістікті толық қамтуы тиіс. Бұл туралы біздің Президент Нұрсұлтан Әбішұлы мен өзге де елдердің көшбасшылары бірқатар бастама көтерді. Соның нәтижесінде бүгінгі келісімдер одақтың дамуы бағытында айтарлықтай орын алады деген сенімдемін.