Денсаулық
Қазақтың тазысы мен асыл тұқымды төбеттерінің көрмесі өтті (фото)
- author «Ақ жол»
- 7 қыркүйек, 2015
- 340
![Қазақтың тазысы мен асыл тұқымды төбеттерінің көрмесі өтті (фото)](https://aqjolgazet.kz/uploads/resized-images/2015/09/06-09-korme-1.jpg)
Қазақтың тазысы мен асыл тұқымды төбеттерінің көрмесі өтті (фото)
«Қансонар» аңшылардың қоғамдық бірлестіктері мен аңшылық шаруашылығы субьектілерінің республикалық қауымдастығы Ақмола облысының әкімдігі, Ауыл шаруашылығы министрлігі мен «Жасыл Орда» ЖШС полиграфиясының қолдауымен Қазақ хандығының 550 жылдығына арналған қазақ тазысы мен асыл тұқымды қазақы төбеттердің бірінші республикалық көрмесін өткізді. Бұл туралы egemen.kz тілшісі хабарлады. Ақмола облысы Аршалы ауданы Жібек Жолы ауылында болып өткен көрмеге Ауыл шаруашылығы министрі Асылжан Мамытбеков, «Қансонар» республикалық қауымдастығының басқарма төрағасы Оралбай Әбдікәрімов және алыс-жақын шет елдердің елшілері мен Ресей, Әзербайжан, Қырғызстаннан арнайы келген қонақтар қатысты. Бірінші болып сөз алған О.Әбдікәрімов Ауыл шаруашылығы министрі Асылжан Мамытбековтың бекіткен стандартына сәйкес еліміздің барлық өңірінде қазақ тазысының байқауы өткенін тілге тиек етті. Оның айтуынша, сол байқаулардан іріктелген асыл тұқымды тазылар бүгінгі көрмеге қатысуда. «Осы шараны пайдалана отырып, ұлтымыздың байлығы – төбет пен тазыны бағалап, оларды жойылып кетуден сақтап отырған нағыз патриоттарға шексіз алғыс айтамыз. Бүгінгі буын мен келер ұрпақтың мақсаты – қазақы төбет пен тазыны бабалар аманаты ретінде аман сақтап қалу», – деді Оралбай Әбдікәрімұлы. Сонымен қатар, шара барысында қазақ тазысы мен асыл тұқымды төбеттердің күшігін алып, асыраймын деушілерге аукцион ұйымдастырылды. Сондай-ақ күшікті қалай күтіп-баптау керектігі жайлы нұсқаулар берілді. Республикалық көрмеге барлығы 75 тазы мен 19 төбет қатыстырылды.
Айдар Өрісбаев.
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді