Қазақтан шыққан әлем чемпионы өзбектің жас спортшысынан ұтылып қалды
- author «Ақ жол»
- 1 қыркүйек, 2015
- 258
![Қазақтан шыққан әлем чемпионы өзбектің жас спортшысынан ұтылып қалды](https://aqjolgazet.kz/uploads/resized-images/2015/09/pogudx175f7lnv4e48.355cc5e8.jpg)
Бұл күндері Бангкокта бокстан Азия чемпионаты өтіп жатыр деп хабарлайды NUR.KZ. Құрлықтық сайысқа негізгі құраммен аттанған бокстан Қазақстан құрамасының басты үміттерінің бірі Жәнібек Әлімханұлы жарысты жүлдесіз аяқтады.
2013 жылы 20 жасында әлем чемпионы атанып, 2014 жылғы жазғы Азия ойындарында, Аммандағы Азия чемпионатында Қазақстанға алтын сыйлаған Жәнібек Әлімханұлы Бангкокта өзбек боксшысынан ұтылып қалды.
Бір қызығы, атақ-абыройы мол әрі тәжірибелі Жәнібекті жолдан тайдырған өзбекстандық боксшы Бектемір Меликузиев жақында ғана жасөспірімдер құрамасына ересектер қатарына өткен.
Жәнібектің жас әрі тәжірибесіз өзбек боксшысынан жеңілуі жанкүйерлердің таңданысын туғызып отыр. Тіпті, өзбекстандық боксшы бойының аласалығына қарамай, Жәнібек Әлімханұлын 2:1 есебімен ұтып кетті.
Қазан айында Дохада өтетін әлем чемпионаты алдында Жәнібектің бұл жеңілісі үлкен рөл ойнайтыны белгілі.
Бұдан бөлек, 49 келідегі Теміртас Жүсіпов Өзбекстан құрамасының үздіктерінің бірі Хасанбай Досматовтан ұтылды. 60 келідегі Самат Бәшенов өзбекстандық қарсыласы Фазлиддин Гаибназаровқа есе жіберді.
Жалпы, Азия құрлығында Қазақстан мен Өзбекстан құрамалары бір-біріне азулы қарсылас саналады. Сол себепті, екі ел боксшыларының жекпе-жегі жанкүйер назарынан тыс қалған емес.
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді