Қазақстанның бірінші ракеткасы Зарина Дияс Нью-Йоркте өтіп жатқан АҚШ ашық біріншілігінің (US Open) бірінші айналымында жеңіліп қалды.

Әлемдік рейтингте 35-ші орында тұрған жерлесіміз словениялық Полона Херцогпен (64-ші орын) кездескен болатын.

Бір жарым сағатқа созылған кездесу нәтижесінде Херцог 6:2, 7:5 есебімен басым түсіп, жарыстың келесі айналымына шықты. Екінші кездесуін ол канадалық Эжени Бушармен өткізеді.

Айта кетейік, бұған дейін кортқа шыққан тағы бір қазақстандық теннисші қыз Ярослава Шведова да іріктеу кезеңнен әрі аса алмаған болатын.

Ал бүгін жарыс жолына Юлия Путинцева шығады.