Нью-Йорк қаласындағы Колумбия университеті жанындағы Мэилмен қоғамдық денсаулық мектебінің маманы Сет Принс штаттық кесте бойынша жұмыс күнін толық өткізетін 21 859 адамды арнайы зерттеу жұмысына қатыстырды. Оның зерттеуі бойынша орта шендегі (деңгейдегі) менеджерлердің жүйкесі бәрінен бұрын шаршайтыны анықталды, деп жазды The Times of India.
Оның сараптауында қызметтегі жандар үш топқа жіктелген. Біріншісі, өзінің жеке бизнесі барлар (табысы 70 мың доллардан жоғары), екінші, бөлім менеджерлері мен басшылары (атқарушы, әкімшілік және басқару қызметтеріндегі жандар) және үшінші, қарапайым жұмысшылар (түрлі қызметтер) тобы.
Зерттеу нәтижесінде 3-ші топпен салыстырғанда 2-топтың адамдары жұмысына екі есе көп алаңдайтыны айтылған. Маманның бұл жаңалығы ғалымдарды таңқалдырды. Себебі, бұған дейін төмен жалақы мен әлеуметтік-экономикалық жағынан аз қамтылған орта (3-ші топ) жұмыстан күйзеліске ұшырап, денсаулығына зиян келтіреді деп келген. Ендігі жаңа тұжырым бойынша, «кішігірім» бастықтар жұмыста бәрінен көп зиян шегіп, күзеліске бірінші ұшырайды екен.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді