Бүгін Конституциялық кеңестің ғимаратында марканы бастыру салтанаты өтті. Іс-шараға «Қазпошта» АҚ басқарма төрағасы Бағдат Мусин мен Конституциялық кеңестің төрағасы Игорь Рогов қатысты. – Бұл марка «Естелік және мерейтойлық даталар» сериясында шығарылған. 4 бояулы офсетті баспа, перфорациясы жоталы. Шығарылым түрі маркалы парақ. Парақтың өлшемі 130х108 мм. Марканың өшемі 26х36 мм. Парақта 8 марка. Пошталық марканың номиналы – «А» литерасы (112 теңге) – заңды тұлғаларға арналған Қазақстан Республикасы аумағында жер үсті көлігімен 20 граммға дейін салмақта қарапайым хатты жіберу тарифіне сәйкес келеді. Тарылымы – 5000 дана. Суретін Қ. Ибрайшин салған. Пошталық марка Қазақстан Республикасы Ұлттық банкінің Банкнот фабрикасы» республикалық кәсіпорнында басып шығарылды, – дейді Б. Мусин.                                                                                                                                                             Бек Төлеуов