Қарағанды облысында жасөспірім қос ғашық өздеріне қол салды
- author «Ақ жол»
- 24 тамыз, 2015
- 315
Қарағанды облысының Қаражал қаласында тоғызыншы сыныптағы қыз бен колледж студенті, ер бала өз өзіне қол салған. Оқиға 24 шілдеде болғанымен бұл туралы тек қазір белгілі болды, деп жазады kriminalka.kz.
Кәмелет жасына жетпеген екеуі бір ағашқа асылған күйінде табылды. Бір-бірінің қолынан қатты ұстап алған.
Аталған іс бойынша мағлұмат өте аз. Жергілікті мұғалімдер де, облыстық полиция да қандай да бір түсінік беруден бас тартып отыр.
«Бұл фактіге қатысты ҚР ҚК-нің 105-бабының 3-бөлімімен («Өз-өзін өлтіруге дейін жеткізу») қылмыстық іс қозғалды. Қажетті сараптамалар тағайындалып, сотқа дейінгі тергеу амалдары жүргізіліп жатыр», – деді Қарағанды облыстық ТЖД баспасөз қызметінің басшысы Бақытжан Кудеяров.
Қаражал тұрғындары қайтыс болған қыз бала туралы тек жақсы пікірде. Ол сабағын үздік оқып, мектеп мақтанышы болған. Қыз бала ата-ананың аялы алақанына бөленіп молшылықта өскен, құрбы-құрдастары оны қарапайым, тыныш, мейірімді, тұйықтау деп еске алады. Оны ешқандай діни ағындар қызықтырмаған да екен.
«Эмо» және «готтар» тәрізді жастар субмәдениетінің қолдаушысы болған да емес. Басылымның атап өтуінше, оқушы қыз біраз уақыт өзінен екі жас үлкен, колледжде оқитын, өзі сияқты кәмелет жасқа жетпеген бозбаламен «жүрген».
Олардың жасында білім алу керек деп түсіндірген ата-аналары екеуінің достығына қарсы болған болуы мүмкін. Осы жағдай олардың үлкен қателік жасауына әкелген болар. Бұл әзірге болжам.
Ұқсас жаңалықтар
Облыс онкологтары ауыр дертті жеңді
- 5 тамыз, 2024
Мүгедектіктің алдын алуға мүмкіндігі мол орталық
- 5 тамыз, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді