Қазақстандық сейсмологтар Тәжікстан аумағында болған жер сілкінісін тіркеді. Қазақстанға дейін жеткен дүмпу Шымкент пен Тараз қаласында сезілген деп хабарлайды BNews.kz.

«БҒМ ҒК СТӘЭ» ММ сейсмикалық стансалар желісінде 2015 жылғы 10 тамызда сағат 16:05-те жер сілкінісі тіркелді. Жер сілкінісінің эпицентрі Алматы қаласынан оңтүстік батысқа қарай 826 км жерде Тәжікстан аумағында орналасқан. Жер сілкінісінің энергетикалық санаты 13.9. Магнитудасы MPV 6.6. Эпицентр координаты 36.96° с.е. 71.65° ш.б. Тереңдігі 120 км. Сезілу деңгейі (МSК-64 шкаласы бойынша): Шымкент пен Тараз қаласында – 2 балл болған.