ШҚО-да жүйке ауруына шалдыққан әйел екі баласын 4-ші қабаттан лақтырып жіберді
- author «Ақ жол»
- 11 тамыз, 2015
- 199
ШҚО-да жүйке ауруына шалдыққан С. есімді азаматша өзінің екі баласын балконнан лақтырып жіберген. Абырой болғанда балалар аман қалған.
Қылмыстық істер жөніндегі мамандандырылған ауданаралық соты Қылмыстық кодекстің 24-бабы 3-бөлігі, 99-бабы 2-бөлігінің 1, 3, 14-тармақтарында көрсетілген қылмыстық заңмен тыйым салынған қоғамға қауіпті әрекетті жасағанына байланысты С.-ға қатысты қылмыстық іс қарады.
Жүйке ауруының елестеушілік және сандырақ түрлері асқынған күйінде болған С. ұйқыда жатқан балаларын оятып, оларды үйдің балконына апарған.
Сол жерде өзінің кішкентай қызын қолынан ұстап 4-қабатта орналасқан бөлмесінің балконынан жерге қарай лақтырып жіберген, осыдан соң С. 4 жасар ұлын да дәл осы тәсілмен лақтырып жіберген. Жеткіншектер дер кезінде көрсетілген білікті медициналық көмектің арқасында аман қалған.
Осыдан кейін әйел балалары қаза болды деген сенім үстінде өзі де балконнан жерге секірген, алайда алған жарақаттары өмірге қауіпсіз болғандықтан, тірі қалған.
Сот қаулысымен С. жалпы типтегі психиатриялық стационарда мәжбүрлеп медициналық шара қолдану тәртібінде жіберілетін болды.
Қаулы заңды күшіне енген жоқ, деп хабарлайды ШҚО қылмыстық істер жөніндегі мамандандырылған ауданаралық сотының баспасөз қызметі.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді