КӨКШЕТАУ. ҚазАқпарат - Ақмолалық жеңіл атлеттер Балғабай Құлпейісов пен Қалибек Әбілов Қазақ хандығының 550 жылдығы құрметіне он күнге созылған 550 шақырымдық марафондық қашықтыққа жүгіруге бел буды. Бұл бастаманы «Нұр Отан» партиясы қолдады. Спортшылар өз жолын Бурабайдағы Абылай хан алаңынан бастады.  Олардың сапары Ақмола облысы, Астана, Қарағанды облысы арқылы өтіп, Ұлытау етегінде аяқталады, деп ақпараттандырады «Хабар» телеарнасынан. «Барлық марафоншылардың атынан спорттық түрде мерекелеуді шештік. Мәре біздің хандарымыз сайланған Ұлытау тауында болады», - деді марафонның қатысушысы Қалибек Әбілов.

ақпарат көзі kazinform.kz