Атырауда жас кәсіпкер резіңкеден тас жасап шығарды
Атырауда жас кәсіпкер Амандық Жайбергенов резіңкеден өрнек тас төсемдерін жасап шығарды. Бұл туралы egemen.kz тілшісі хабарлады. Амандық Жайбергенов бұл ісін бастар алында өңірдегі нарыққа зерттеу жүргізіпті. Сөйтіп, үгітілген резіңкеден өрнек тас төсемдерін жасау ісін өрістетуге бекем бел буыпты. Сонан соң «Даму» қоры арқылы несие алыпты. Оған өзінің жинағынан қаражат қосқан. Жергілікті бизнес-инкубатордан барлық инфрақұрылымы дайын ғимаратты арзан бағаға жалға алып отыр. Кәсіпорнында жұмыс істейтін 4 адам ресейлік мамандардан шеберлік шыңдаған. Олар бір айдың ішінде 1 мың шаршы метрге жуық өрнек тас төсемін шығаруға қол жеткізді. «Егер ұсыныс болса, айына 3 мың шаршы метрге дейін өнім шығаратын мүмкіндігіміз бар», – дейді жас кәсіпкер Амандық Жайбергенов. Оның айутынша, үгітілген резіңке әуелі арнайы аппаратта сығымдалады. Содан кейін пеште қыздырылып, 7 сағаттан соң дайын өнімге айналады. Шикізат ретінде ескірген көлік дөңгелегі қолданылады. Оны үгітілген күйінде Ресейден алып отыр.
Жолдасбек Шөпеғұл.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді