Таразда суицид жасамақ болған азамат көршілерінің зәре құтын қашырды. Әйелімен ұрсысқан ол артынша бесінші қабаттан секірмек болған деп хабарлайды КТК арнасы.

Тапа-тал түсте балконнан асып, жерге қарғымақ болған жігітті кездейсоқ кетіп бара жатқан тұрғын байқап, құтқарушыларға хабар беріпті.

Олар шұғыл жеткенімен, өзіне қол салмақ болған азамат сөзге көнген жоқ. Тіпті дереу кері кетпесеңдер өзін жерге тастап жіберемін деп қиғылық салған.

Өлуге асыққан жігітті ақыры көршісі сабасына түсірді. Сөйте, удай мас екен. Әйелімен жанжалдасып, жарына ерегескенде суицид жасауға бекініпті.