Жаңатас қаласындағы Ы.Дүкенұлы атындағы мәдениет сарайында қарбалас шақ. Аудандық сайлау комиссиясы мен № 365 сайлау учаскесі осында қоныс тепкен. Жалпы, қала жұртшылығының белсенді екендігі бұрыннан белгілі. Оны №365 сайлау учаскесіне кіре бергенде-ақ байқадық. Қабырғаға ілінген сайлаушылар тізіміне үңілген адамдардың қарасы соны аңғартқандай. – Сайлау учаскесіне қарасты 25 көп қабатты үйден 2156 сайлаушы дауыс береді деп отырмыз, – дейді комиссия төрайымы Гүлнафис Дәулетбаева. – Ең қарт сайлаушымыз Ұлы Отан соғысының ардагері, 89 жастағы М.Авдеев, ал жас сайлаушылардың саны әзірге алтау, әлі де көрсеткіш өсуі мүмкін. Сайлау учаскесінің жабдықталуы, ақпараттық андатпалары рет-ретімен қойылған. Шетелдік бұқаралық ақпарат құралдарынан алманиялық Бригитте Франциско Хоер және норвегиялық Даг Хеллесунд байқаушылар ретінде тіркелген. Біздің алдымызда ғана олар сайлау учаскесінің жұмысымен танысып кеткен екен. Қысқасы, жаңатастықтар сайлауға тас түйін дайындалуда.
Жаңатас қаласы.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді